Home Health / ጤና ከመጠን ያለፈ የአካል ብቃት እንቅስቃሴ የልባችን ጤንነት ላይ ጉዳት እንደሚያደርስ ተቁሟል

ከመጠን ያለፈ የአካል ብቃት እንቅስቃሴ የልባችን ጤንነት ላይ ጉዳት እንደሚያደርስ ተቁሟል

አንዳንዶቻችን የአካል ብቃት እንቅስቃሴን በምንሰራበት ወቅት የምንፈልገውን ነገር ቶሎ ለማሳካት በሚል ከመጠን ያለፈ የአካል ብቃት እንቅስቃሴ ስንሰራ ይስተዋላል።

አዲስ የወጣ ጥናት ግን ይህ ትክክል እንዳልሆነ እና የልባችን ጤንነት ላይ ጉዳት እንደሚያደርስ ተቁሟል።

በጥናቱ በሳምንት ውስጥ ከ7 ሰዓት በላይ የአካል ብቃት እንቅስቃሴ የሚያደርጉ ወንዶች የደም ቧንቧቸው የመጥበብ እድል በ86 በመቶ ከፍ እንደሚል ነው የተነገረው።

ይህም ወደ ፊት ለልብ ህመም የመጋለጥ እድልን እንደሚያሰፋው ነው ጥናቱ የጠቆመው።

በአሜሪካ ቺካጎ ዩኒቨርሲቲ ተባባሪ ፕሮፌረስ የሆኑት የጥናቱ ፀሃፊ ዲፒካ ላዱ፥ “የጥናቱ ውጤት በጣም አስገርሞናል፤ ከዚህ በፊት የአካል ብቃት እንቅስቃሴ በማንኛውም መጠን ቢሰራ ለሰው ልጅ መድሃኒት እንደሆነ ነበር የምናስበው” ብለዋል።

አሁን የተሰራው ጥናት ግን ከመጠን ያለፈ የአካል ብቃት እንቅስቃሴ በተለይ በወንዶች የልብ ጤንነት ላይ ጉዳት እንደሚየaደርስ ለይቷል፤ ይህ ማለት ወንዶችን የአካል ብቃት እንቅስቃሴን መስራት አቁሙ ማለት አይደለም ሲሉም ተናግረዋል።

ጥናት አሁንም ቢሆን የሚቀሩት ማረጋገጫዎች አሉት ያሉት ተባባሪ ፕሮፌረስ ዲፒካ ላዱ፥ ወንዶች የሚሰሩትን የአካል ብቃት እንቅስቃሴ በመጠኑ ቢያደርጉት መልካም ነው ብለዋል።

የዓለም የጤና ድርጅ ባስቀመጠው መስረፍት መሰረት እንድ ሰው በሳምንት ውስጥ 150 ደቂቃዎች ወይም 2 ሰዓት ከ30 ደቂቃ ያክል የአካል ብቃት መስራት አለበት።

በቅርብ የወጣ ጥናትም እንደ ሩጫ እና ክብደት ማንሳት የአካል ብቃት እንቅስቃሴዎችን አንድ ላይ ጠምሮ መስራት ከጥቅሙ ይልቅ ጉዳቱ እንደሚያመዝን መጠቆሙ ይታወሳል።

በጥናቱም ሩጫ እና ክብደት የማንሳት ስፖርት በሚሰራበት ጊዜ በሁለቱ መካከል በቂ እረፍት ከሌለ የሰውነታችንን ጥንካሬ ከመጎልበት ይልቅ ጥንካሬውን እየተጎዳ ይሄዳል ብሏል።

LEAVE A REPLY

Please enter your comment!
Please enter your name here