Home Business / ንግድና ኢኮኖሚ ጎግል ያለ አግባብ መረጃን በመሰብሰብ ክስ ቀረበበት

ጎግል ያለ አግባብ መረጃን በመሰብሰብ ክስ ቀረበበት

ጎግል በሚሊዮኖች ከሚቆጠሩ ተጠቃሚዎች የግል መረጃ በመሰብሰብ ተከሶ በብሪታንያ ፍርድ ቤት መቅረቡ ተነግሯል።

በሀገሪቱ ይህ ዓይነቱ ክስ ቀርቦ እርምጃ ከተወሰደ በብሪታንያ የመጀመሪያው ሊሆን እንደሚችልም ነው የተገለፀው።

ክሱ ጎግል የአይፎን ተጠቃሚ ግለሰቦችን መብት በመጣስ ከ5 ነጥብ 4 ሚሊየን በላይ ብሪታንያውያን መረጃን ያለአግባብ መሰብሰቡ ነው የተጠቆመው።

የሚወሰደው እርምጃም ኩባንያውን ሲመሩ በነበሩት በቀድሞው ዳይሬክተር ሪቻርድ ሎይድ መሆኑ ተነግሯል።

ጉዳዩ በሕግ ተረጋግጦ እርምጃ ከተወሰደ ተጠቃሚዎቹ እያንዳንዳቸው በርካታ ገንዘብ በካሳ ማግኘት ይችላሉ ተብሏል።

ኩባንያው የታለሙ ማስታወቂያዎችን ለማድረስ ከአይ ፎን መሳሪያዎች መረጃ በመሰብሰብ ጥቅም ላይ ለማዋል አነስተኛ የኮምፒተር ፅሑፎችን እንደተጠቀመ ተገልጿል።

ቅሬታውም ከአውሮፓውያኑ 2011 እስከ 2012 ባላው ጊዜ ለበርካታ ወራት ጎግል አነስተኛ የፅሁፍ ማስታወቂያዎችን ለማድረስ የመረጃ መሰብሰቢያ ስልቶችን ተጠቅሟል በሚል የቀረበ ነው ተብሏል።

በፈረንጆቹ 2012 ኩባንያው በተመሳሳይ ጉዳይ የአሜሪካ የፌደራል ንግድ ኮሚሽን ባቀረቡት ክስ መሰረት 22 ነጥብ 5 ሚሊየን የአሜሪካን ዶላር ለመክፈል መስማማቱን ቢቢሲ በዘገባው አስታውሷል።

ክሱ በከፍተኛ ፍርድ ቤት በ2018 እንደሚታይ ተጠቁሟል።

LEAVE A REPLY

Please enter your comment!
Please enter your name here