Home Business / ንግድና ኢኮኖሚ የመጀመሪያው የስልክ አጭር የፅሁፍ መልዕክት ከተላከ 25 ዓመት ሞላው

የመጀመሪያው የስልክ አጭር የፅሁፍ መልዕክት ከተላከ 25 ዓመት ሞላው

በዓለም የመጀመሪያው የስልክ አጭር የፅህፍ መልዕክት ከተላከ 25 ዓመት ሞላው።

ሰዎች አጭር የፅሁፍ መልዕክት (SMS) መለዋወጥ የጀመሩበት ጊዜ 25 ዓመት ሞልቶታል።

የመጀመሪያው መልዕክት በኢንጅነር ኔይል ፓፕወርዝ በፈረንጆቹ 1992 የተላከ ሲሆን፥ መልዕክቱም “መልካም ገና” የሚል ነበር።

ኢንጅነር ኔይል ፓፕወርዝ በ22 ዓመት እድሜው አጭር የፅሁፍ መልዕክቱን የገናን በዓል ምክንያት በማድረግ በወቅቱ የቮዳፎን ዳይሬክተር ለነበረው ሪቻርድ ጃርቪስ ነው በኮምፒውተር የላከለት።

ፓፕወርዝ ስለሁኔታው ሲናገር “ሰዎች ይህን ነገር እንደ ትልቅ ጉዳይ ያስቡታል ብየ አላውቅም” ነው ያለው።

በሳይንስ ሙዚየም ውስጥ የምትሰራው ኤልዛቤጥ ብሩቶን፥ አጭር የፅህፍ መልዕክት መላላኪያ መተግበሪያ አሁን በየጊዜው ለሚመረቱት የተለላዩ የስማርት ስልክ መተግበሪያዎች መነሻና መሰረት ነው ብላለች።

አሁን አሁን ፌስቡክ ሜሴንጀር እና ዋትስአፕ መምጣታቸውን ተከትሎ የአጭር የፅሁፍ መልዕክት የሚልኩ ሰዎች ቁጥር እየቀነሰ ነው ተብሏል።

ለአብነትም በፈረንጆቹ 2011 የሞባይል ስልክት ተጠቃሚዎች 150 ቢሊየን አጭር የፅሁፍ መልዕክቶችን ልከው የነበረ ሲሆን፥ በ2015 ግን ቁጥሩ ወደ 102 ቢሊየን ወርዷል።

የአጭር የፅህፍ መልዕክት መላላኪያ መተግበሪያ (SMS)ን በማበልፀግ ረገድ በ2015 የሞተው ፊንላንዳዊ ኢንጅነር ማቲ ማኮኔን ተጠቃሽ ነው ።

ኖኪያ በሚያመርታቸው ስልኮች ላይ በፈረንጆቹ 1993 የአጭር ፅሁፍ መልዕክት መላላኪያ ቴክኖሎጂ መግጠሙ ይታወቃል።

LEAVE A REPLY

Please enter your comment!
Please enter your name here