Home Business / ንግድና ኢኮኖሚ ኤኮባንክ በ 5 የአፍሪካ ሃገራት የዓመቱ ምርጥ ባንክ ተብሎ ተሠየመ

ኤኮባንክ በ 5 የአፍሪካ ሃገራት የዓመቱ ምርጥ ባንክ ተብሎ ተሠየመ

ከፓን አፍሪካ ባንክ ቡድን ቀዳሚ የሆነው ኤኮባንክ አገልግሎት በሚሰጥባቸው 5 ሃገራት ውስጥ የዓመቱ ምርጥ ባንክ የሚል ሽልማት መቀበሉን አፍሪካ ኒውስ ዘገበ ፡፡

በለንደን ሂልተን ሆቴል በተዘጋጀው የባንኮች የሽልማት አሰጣጥ ስነስርአት ላይ ይፋ እንደተደረገው ኤኮ ባንክ በካሜሩን፣ በጊኒ፣በጋምቢያ ፣በቶጎ እና በኡጋንዳ ባሉ ቅርንጫፎቹ የተሻለ ጥራት ያለው አገልግሎት በመስጠቱ ቀዳሚ ሆኗል ፡፡

ለባንኮች እውቅና መስጠት በየቅርንጫፎቹ የተሻለ የፉክክር መንፈስ እንዲፈጠር ያግዛል ያሉት የውድድሩ ዳኛ ባንኮቹ ባለፉት 12 ወራት ጉልህ መሻሻል እንዳደረጉ በመግለጽ ከጠንካራ የፋይናንስ ስርአታቸው በተጨማሪ በአገልግሎት አሰጣጣቸውም የተሻሉ እንደነበሩ ተናግረዋል፡፡

ባንኮቹ የደንበኞችን ፍላጎት ለማርካት አዳዲስ ምርቶችን እና አገልግሎቶችን ተግባራዊ በማድረግ የተሻለ የባንክ አገልግሎት እንዲኖር እየሰሩት ያለው ስራ ለሌሎች እንደ ምሳሌ ሊጠቀስ የሚችል ነው ተብሏል፡፡

የኤኮባንክ ዋና ሥራ አስኪያጅ አዴ አዬዬሚ ሽልማቱን አስመልክተው እንደተናገሩት ‹‹ኤኮባንክ ይህን ሽልማት በማግኘቱ ክብር ተሰምቶናል ፡፡የእኛ ተሞክሮ ሌሎችን የማነሳሳት አቅም ይኖረዋል ብለን እናስባለን ፡፡

በዚህ ሽልማት ሳንዘናጋ የዲጂታል ባንክ ስርዓት በመዘርጋት ጥራት ያለው ዘመናዊ አሰራር በአፍሪካ ለማዳረስ ተግተን እንሰራለን ብለዋል ››
ኤኮባንክ በ33 የአፍሪካ ሀገራት ውስጥ ተሠራጭቶ አገልግሎት መስጠቱ አፍሪካዊ ሞዴል እየሆነ መምጣቱን ያሳያል ሲሉም ስራ አስኪያጁ ጨምረው መግለጻቸውን ዘገባው አብራርቷል ፡፡

LEAVE A REPLY

Please enter your comment!
Please enter your name here