Home News / ዜና ፌስቡክ ህፃናት ብቻ የሚጠቀሙበት አዲስ መተግበሪያ ይፋ አደረገ

ፌስቡክ ህፃናት ብቻ የሚጠቀሙበት አዲስ መተግበሪያ ይፋ አደረገ

ፌስቡክ እድሜያቸው ከ13 ዓመት በታች የሆኑ ህፃናት ብቻ የሚጠቀሙበት “ሜሴንጀር ኪድስ” የተባለ አዲስ መተግበሪያ ይፋ አደረገ።

ግዙፉ የማህበራዊ ትስስር ገፅ ኩባንያው የምልዕክት መለዋወጫ መተግበሪያውን ለህፃናት ብቻ ቢሰራውመ ወላጆች የመልዕክት ልውውጦችን የማረጋገጥ ሃላፊነት ተጥሎባቸዋል።

በዚህም ወላጆች ልጆቻቸው ከማን ጋር ስለምን ጉዳይ ማውራት እንዳልባቸው እና እንደሌለባቸው የማጣራት ግዴታ አለባቸው።

ኩባንያው መደበኛ የፌስቡክ መጠቀሚያ አድራሻ መክፈት ከሚያስችለው ዝቅተኛ የእድሜ ጣራ (13 ዓመት) በታች ላሉ ህፃናት ሜሴንጀር ኪድስ የተባለው መተግበሪያ ሲሰራ የመጀመሪያው ነው ተብሏል።

መተግበሪያው ራሱን የቻለ የተለየ መልዕክት መለዋወጫ ሲሆን፥ የፌስቡክ መጠቀሚያ አድራሻ መኖርን አያስገድድም።

ፌስቡክ የሚጠቀሙ ወላጆችም ልጆቻቸው በየጊዜው የሚጨምሯቸውን የሜሴንጀር ኪድስ ተጠቃሚዎች ማንነት ማረጋገጥ እንደሚገባቸው ተነግሯል።

ፌስቡክ በሜሴንጀር ኪድስ መተግበሪያ ላይ ማስታወቂያ የማያስተላልፍ መሆኑን የኩባንያው ቃል አቀባይ ገልፀዋል።

ኩባንያው የህፃናት የሜሴንጀር ኪድስ መጠቀሚያ አድራሻ ልጆቹ 13 ዓመት ሲሞላቸው፥ በቀጥታ ወደ መደበኛው የፌስቡክ ገፅ መጠቀሚያ አይቀላቀሉም ነው ያለው።

ፌስቡክ መተግበሪያውን ለመፍጠር የተነሳሳው በአሜሪካ የዳሰሳ ጥናት ከሰራ በኋላ ነው።

በዳሰሳውም 81 በመቶ ያህል ወላጆች እድሜያቸው ከ8 እስከ 13 ዓመት የሚሆኑ ልጆቻቸቸው፥ የማህበራዊ ትስስር ገፅ ተጠቃሚ መሆናቸውን መናገራቸውን ጠቅሷል።

LEAVE A REPLY

Please enter your comment!
Please enter your name here