Home News / ዜና በማህደራቸው ሀሰተኛ የትምህርት ማስረጃ ያስገቡ ግለሰቦች የይቅርታ ማመልከቻ እያስገቡ ነው

በማህደራቸው ሀሰተኛ የትምህርት ማስረጃ ያስገቡ ግለሰቦች የይቅርታ ማመልከቻ እያስገቡ ነው

እስከአሁን ከአስር የማይበልጡ ግለሰቦች በማህደራቸው ሀሰተኛ የትምህርት ማስረጃ እንዳስገቡ በማመን በይቅርታ ጊዜ ማመልከታቸውን የአዲስ አበባ ከተማ አስተዳደር ገለጸ፡፡

የአዲስ አበባ ከተማ አስተዳደር በማህደራቸው ውስጥ ሀሰተኛ የትምህርት ማስረጃ ያስገቡ ሰራተኛች ከህዳር 10 እስከ ተህሳስ 10 /2010 ዓ.ም በገዛ ፈቃዳቸው እራሳቸውን እንዲያጋልጡ ያስቀመጠው ቀነ ገደብ ሊጠናቀቅ 13 ቀናት ብቻ ቀርተውታል።

የአዲስ አበባ ፐብሊክ ሰርቪስና የሰው ሀብት ልማት ቢሮ በተለይ ለኤፍ ኤም አዲስ 97.1 እንደገለጸው እስከባለፈው እሁድ ድረስ ከ10 የማይበልጡ ግለሰቦች ሀሰተኛ የትምህርት ማስረጃ ሰነድ እንዳስገቡ ማመናቸውን ሲገልጹ በርካታ ጥቆማዎች ግን ከህብረተሰቡ እንደደረሰው ቢሮው ገልጿል ።

በፌዴራል ደረጃ በተካሄደው ዳሰሳ፣ በሐሰተኛ የትምህርት ማስረጃ የማይገባቸውን ቦታ የያዙ ሠራተኞችና ኃላፊዎች መኖራቸው ተረጋግጧል፡፡

የኦሮሚያና የአማራ ክልሎች ቀደም ብለው ዕርምጃ መውሰዳቸው በተሞክሮነት ከተማ አስተዳደሩ እንደወሰደ ገልጾ በይቅርታ ጊዜው ላመለከቱ ግለሰቦች አስተዳደራዊ ምህረት ይደረግላቸዋል ብሏል።

የአዲስ አበባ ከተማ አስተዳደር እንደገለጸው በሀሰት ማስረጃ ያገኙት ደሞዝ ተመላሽ አይደረግም፤ ሆኖም ግን በሰነዱ ምክንያት ያገኙት ሀላፊነት ተነስተው በተገቢው ቦታ እንዲመደቡ ይደረጋል ፤ ከመጀመሪያው ጀምሮ በሀሰተኛ ሰነድ የተቀጠሩት ግን በህግ ተጠያቂ ይሆናሉ።

LEAVE A REPLY

Please enter your comment!
Please enter your name here