Home Health / ጤና ረጅም ሰዓት ተቀምጦ መስራት ከዓይን እስከ ልብ የሚያስተለው የጤና ጉዳትና መፍትሄው

ረጅም ሰዓት ተቀምጦ መስራት ከዓይን እስከ ልብ የሚያስተለው የጤና ጉዳትና መፍትሄው

አንድ ቦታ ላይ ያለምንም እረፍት ለ6 ሰዓት እና ከዚያ በላይ ያለማቋረጥ ተቀምጦ መስራት በጤንነታችን ላይ በርካታ እክሎችን ያስከትላል።

አሁን አሁን በዓለማችን ላይ ያሉ አብዛኛው ስራዎች ወደ ጠረጴዛ እየመጡ እና ሰዎችም በብዛት ተቀምጠው ወደ መስራት እየገቡ ሲሆን፥ ወንበር ላይ ረጅም ሰዓት ተቀምጦ መስራት የሚያስከትለውን ጉዳት ግን አብዛኞቻችን አናውቅም።

የህክምና ባለሙያዎች ግን ረጅም ሰዓትን አንድ ቦታ ላይ ተቀምጦ ማሳለፍ በጤና ላይ ከፍተኛ ጉዳት እያስከተለ ነው ሲሉ ያስጠነቅቃሉ።

በቀን ውስጥ በትንሹ ለተከታታይ ስድስት ሰዓት ተቀምጠን የምንሰራ ከሆነ ለልብ ህመም የመጋለጥ እድላቸን በእጥፍ እንደሚጨምር ነው ባለሙያዎቹ የሚያገሩት።

እንዲሁም አብዛኛውን ጊዜ ከኮምፒውተር ጋር የምናሳለፍ ከሆነ ለዓይን የእይታ ችግር የመጋለጥ እድል በ40 በመቶ የሚጨምር ሲሆን፥ የሰውነታችን ኢንሱሊንን የመቋቋም አቅም እንዲጨምር በማድረግም ለአእምሮ ጤና መቃወስ እንድጋለጥ ያደርጋል ብለዋል።

የልብ ጤንነት እና ረጅም ሰዓት ተቀምጦ መስራት…

ጉዳቶቹ ምንድን ናቸው…?

ረጅም ሰዓት ተቀምጠን የምናሳልፍ ከሆነ የልብ ምት መጠናችን እየቀነሰ እንዲሄድ ያደርጋል ይላሉ ተመራማሪዎች።

ይህ ደግሞ በልባችን አካባቢ ስብ እንዲበዛ እና ለጤናችን ጎጂ የሆነ የኢንሱሊን መከላከል አቅም እንዲኖረን ያደርጋል ብለዋል።

ጉዳቶቹን ለመቀነስ ምን ማድረግ አለብን…?

ባገኘነው አጋጣሚ ሁሉ መቆም

የእግር ጉዞ ማድረግ እና በስብሰባ ላይም ይሁን ከሰዎች ጋር ንገግር ማድረግ

የአካል ብቃት አንቅስቃሴን በቋሚነት መስራት

የዓይን ጤንነት እና ረጅም ሰዓት ተቀምጦ መስራት…

ጉዳቶቹ ምንድን ናቸው…?

ለረጅም ሰዓት ተቀምጠን እንድንሰራ ከሚያደርጉ ምክንያቶች ውስጥ ኮምፒውተር ዋናውን ድርሻ ይወስዳል ይላሉ የጤና ባለሙያዎች።

ያለማቋረጥ ለ4 ሰዓታት እና ከዚያ በላይ አንድ ቦታ በመቀመጥ ኮምፒውተር ላይ በምናፈጥ ጊዜ ከኮምፒተሩ የሚወጣው አልትራ ቪዮሌት ጨረር እይታችን ላይ የሚያስከትለው ጉዳት ከፍተኛ መሆኑን ነው የሚናገሩት።

አብዛኛውን ጊዜ ከኮምፒውተር ጋር የምናሳለፍ ከሆነ ለዓይን የእይታ ችግር የመጋለጥ እድል በ40 በመቶ የሚጨምር መሆኑንም ነው ባለሙያዎቹ ያስታወቁት።

ጉዳቱን ለመቀነስ ምን ማድረግ አለብን…?

የእይታ እረፍት ማድረግ፦ ከ20 እስከ 30 ደቂቃ ልዩነት መካከል እይታችንን ከኮምፒውተር ላይ በማንሳት ሌላ ነገር እያየን እረፍት ማድረግ ይመከራል።

በየጊዜው የአይን ህክምና ማድረግ፦ አይናችንን አያመንም ብለን የምናስብ ከሆነ እንኳ ቢያንስ በ2 ዓመት ልዩነት ጊዜ ውስጥ የዓይን ህክምና ማድረግ ይኖርብናል።

እንደ ህክምና ባለሙያዎቹ ገለፃ ረጅም ሰዓት ተቀምጦ መስራት ከእነዚህ ጉዳቶች በተጨማሪ በመቀመጫችን፣ በጀርባችን እና በሌሎች የሰውነት ክፍላችን ላይ የቅርፅ መዛባትን ያስከትላል።

ስለዚህም በተቻለን አቅም በስራችን መካከል እረፍት ማድረግ እና በየጊዜው የአካል ብቃት እንቀስቃሴ ማድረግ መልካም ነው ሲሉም ይመክራሉ።

LEAVE A REPLY

Please enter your comment!
Please enter your name here