Home Business / ንግድና ኢኮኖሚ ሱዳን የአንድ ዶላር ምንዛሬን ከ7.1 ወደ 18 ከፍ ልታደርግ ነው

ሱዳን የአንድ ዶላር ምንዛሬን ከ7.1 ወደ 18 ከፍ ልታደርግ ነው

የሱዳን መንግሥት አሁን ያለውን የአንድ ዶላር 7.1 የሱዳን ፓውንድ የመገበያያ ምንዛሬ ከፍ ሊያደርግ እንደሚችል ሲገልጽ በቆየው መሠረት ከጥር ጀምሮ ምንዛሬው ወደ 18 ዶላር ከፍ እንደሚል የገንዘብ ሚኒስትሩ መግለጻቸውን ሮይተርስ ዘገበ ፡፡

በዚህ ወርመጀመሪያ ላይ ዓለም አቀፉ የገንዘብ ተቋም ባወጣው ማሳሰቢያ መሠረት የሱዳን መንግስት ገንዘቡን ለእድገት እና ለኢንቭስትመንት እንዲያውል ቢያስጠነቅቅም መንግስት ግን ምንዛሬውን ገበያ ለማረጋጋት እየተጠቀመበት ይገኛል፡፡

የመገበያያ ገንዘቡ አቅም ዝቅ ማለት የጉምሩክ ምንዛሬ መጠንንም የሚያጠቃልል ሲሆን ይህም የጉምሩክ ገቢዎችን ለማስላት ጥቅም ላይ ይውላል ፡፡

ይህ ደግሞ የ2018 በጀትን በጥር ወር የመጀመሪያው ሳምንት ተግባራዊ እንድናደርግ ያግዛል ብለዋል የፋይናንስ ሚኒስትሩ ሙሃመድ ኡትማንሩካቢ ለዜና ምንጩ፡፡

የዶላር ምንዛሬው ከፍ ማለት በተነገረ በሰአታት ውስጥ የጥቁር ገበያው ምንዛሬ ከነበረበት በአንድ ዶላር 25 የሱዳን ፓውንድ ወደ 27 ፓውንድ ከፍ ማለቱን ገበያተኞች ተናግረዋል፡፡

ለአዲሱ አመት የተመደበው በጀት የዶላር ምንዛሬው ወደ18 ዶላር ከፍ ማለቱን ታሳቢ አድርገን ነው የሚሉት ሚኒስትሩ የፖሊሲውመለወጥ ለሱዳን ኢኮኖሚ አዎንታዊ ምላሽ እንደሚሠጥ እንጠብቃለን ብለዋል፡፡

በሱዳን ላይ ለ20 ዓመት የዘለቀው ማዕቀብ ከተነሳ በኋላ የሱዳን ፓውንድ ከዶላር ጋር ያለው የምንዛሬ አንጻራዊነት ተቀባይነት በማግኘቱ ብዙ ነጋዴዎች እቃዎችን ከውጭ ሀገር ለማሰገባት ያላቸው ፍላጎት ከፍ በማለቱ የዶላር እጥረት እየተከሰተ ነው ፡፡

ይሁን እንጂ የንግድ ድርጅቶች የገንዘብ ፍላጎታቸው የሱዳን መንግስት መመለስ ካልቻለ የሱዳኑን ፓውንድ ወደ ዶላር የማቀራረብ አቅም ወደ አላቸው የገበያ መዳረሻዎች ለመሸጋገር ይገደዳሉ ሮይተርስ እንደዘገበው፡፡

LEAVE A REPLY

Please enter your comment!
Please enter your name here