Home Entertainment / መዝናኛ Social Affairs / ልዩ ልዩ ዋትስአፕ በእድሜ ገፋ ያሉ ስማርት ስልኮች ላይ አገልግሎት ሊያቋርጥ ነው

ዋትስአፕ በእድሜ ገፋ ያሉ ስማርት ስልኮች ላይ አገልግሎት ሊያቋርጥ ነው

የተለያዩ መልእክት መለዋወጫ መተግበሪያ የሆነው ዋትስአፕ በእድሜ ገፋ ያሉ ስልኮች ላይ የሚሰጠውን አገልግሎት በዚህ ሳምት ውስጥ ሊያቅርጥ መሆኑ ተነግሯል።

በአሮጌ ስማርት ስልኮች ላይ የሚሰጠው የዋትስፕ አገልግሎት የፊታችን እሁድ የሚገባደደው የፈረንጆቹ 2017 ዋዜማ ድረስ ብቻ የሚቆይ ሲሆን፥ ሰኞ በሚገባው የፈረንጆቹ 2018 ላይ ስልኮቹ አገልግሎቱን ማግኘት አይችሉም ነው የተባለው።

አገልግሎቱ ከሚቋረጥባቸው ስማርት ስልኮች ውስጥም ኖኪያ ሲምባያን S60፣ ብላክቤሪ ኦፕሬቲንግ ሲስተም የሚጠቀሙ እና ብላክቤሪ 10፣ ዊንዶወስ 8.0 ስማርት ስልክ፣ ኖኪያ S40 ይገኙበታል።

“ከእነዚህ በእድሜ ገፋ ካሉ ስማርት ስልኮች ውስጥ አንዱን የሚጠቀሙ ከሆነ፤ የዋትስአፕ ለመጠቀም ስማርት ስልኮን በአዲስ የአንድሮይድ፣ አይ ፎን አሊያም ዊንዶውስ ስማርት ስልክ ይቀይሩ” ሲል ዋትስአፕ በድረ ገፁ ላይ አስታውቋል።

እንዲሁም ከ2.3.7 እና ከዚህ በፊት ያሉ የአንድሮይድ ኦፕሬቲንግ ሲስተም ስሪት የሚጠቀሙ እንደ ሳምሰንግ፣ ጎግል፣ ኤች.ቲ.ሲ. እና ዋን ፕላስ ስማርት ስልኮችም በአውሮፓውያኑ ከ2020 ጀምሮ የዋትስአፕ አገልግሎት ይቋረጥባቸዋል ተብሏል።

ዋትስአፕ ባሳለፍነው ዓመት ህዳር ወር ላይም ቀደም ባሉ ጊዜያት በተመረቱ ስልኮች ላይ የሚሰጠውን አገልግሎት ማቋረጡ ይታወሳል።

የተለያዩ መልእክት መለዋወጫ መተግበሪያ የሆነው ዋትስአፕ በአውሮፓውያኑ 2009 አገልግሎት መስጠት የጀመረ ሲሆን፥ በአሁኑ ወቅት በዓለም ዙሪያ ከ1 ቢሊየን በላይ ተጠቃሚዎች አሉት።

ዋትስአፕ የግዙፉ ማህበራዊ ትስስር ድረ ገፅ ተቋም ፌስቡክ ንብረት ሲሆን፥ ፌስቡክ ዋትስአፕን በፈረንጆቹ 2014 ነበር በ19 ቢሊየን የአሜሪካ ዶላር የገዛው።

LEAVE A REPLY

Please enter your comment!
Please enter your name here